Eru VG trúarsamtök

 

Vinstrihreifingin Grænt framboð héllt landsfund sinn nú fyrir helgina. Varla mátti opna fyrir fréttir öðruvísi en formaðurinn þeirra væri að æpa þar á innsoginu af slíkum tilfinningakrafti að hellst datt manni í hug að um líf eða dauða væri að tefla, slíkur var ákafinn.Það sem ég heyrði minnti einna helst á einhverja trúarsamkomu frekar enn fund hjá stjórnmálaflokki.

Og hvað hafði svo formaðurinn að segja, hvaða stefnumál brunnu svo á vörum hans að hann þyrfti beinlínis að öskra þau í eyru þeirra sem á hlýddu. Jú eftir að hafa heyrt hann tala bæði í sjónvarpi og á flestum útvarpsrásum sem senda út fréttir þá var hann bara með eitt stefnumál, og það er "að fella ríkisstjórnina" ekkert annað komst að hjá honum.

Geta landsmenn kosið stjórnmálaflokk með þetta eina markmið?

Mitt svar er þvert NEI

Ég vil sjá einhverja stefnu sem byggist á þróun og framförum sem geta bætt stöðu okkar sem landið byggjum.

Stór hluti þeirra sem hafa verið fylgismenn Vinstri grænna hafa kosið þá vegna þess að þeir telja þá vera náttúruverndasinna. Eru Vinstri grænir náttúruverndarsinnar?

Mitt svar er þvert NEI.

Vinstri grænir eru tækifærissinnar sem hafa henntistefnu í náttúruverndarmálum. Allir geta séð hvernig Vinstri grænir eru að fara með Álafosskvosina í Mosfellsbæ, það sem þar er verið að gera mundi enginn náttúrverndarsinni gera nokkru sinni.

Geta landsmenn kosið Vinstri græna til að fara með landsmálin?.

Mitt svar er þvert NEI.

Vinnstri grænir hafa bara eina stefnu í landsmálapólitíkinni og hún er sú sem forðmaðurinn öskraði á innsoginu í fréttatímunum "að fella ríkisstjórnina"

Góðir landsmenn. Veljið því eitthvað uppbyggilegra stjórnmálaafl til að kjósa í vor en Vinstrihreifinguna Grænnt framboð, næstum allt er betra enn svona bulludallar.

Séra Jón og Herra Jón Ásgeir Jóhannesson

Í gær mátti lesa í Mbl frétt þess efnis að einn af aðal sakborningum í Baugsmálinu sjálfur forstjórinn gæti hugsanlega millilennt hér á landi á morgun fimmtudag svo hægt væri að klára yfirheyrslur yfir honum fyrir dómi. Einnig mátti lesa í sömu frétt að hann setti það skilyrði að yfirheyrslan tæki ekki lengri tíma en eina og hálfa klukkustund.

Nú finnst mér ílla farið fyrir okkar dómskerfi ef sakborningar eru farnir að gefa dómurum tíma og setja þeim að auki tímamörk.

Gaman væri að vita hvort allir sakborningar geta nýtt sér þessi augljósu réttindi sem ég vissi ekki að þeir hefðu.

Eða er ekki sama séra Jón og herra Jón Ásgeir Jóhannesson

Hugleiðing í (h)ljóði

Ef þú átt eld sem að logar til eilífðar nóns

og ljóð sem að blundar í hugljúfu sálinni þinni.

Hafðu það ráð svo að hugur þinn bíði ei tjóns

hleyptu því út ... ekki loka það allt saman inni.

 

Ef þú hefur kjark sem klýfur þinn sálar tind.

og kveður þitt ljóð á unaðstreng hugsanna þinna.

Ef í hjarta þér aleinn þú situr, við lífsins lind

ljúktu upp sál þinni - hugsaðu einnig til hinna

Lélegar atkvæðaveiðar

Hörmulegt er til þess að hugsa hvernig hefur verið farið með öll þessi börn á árum áður. Manni hreinlega líður illa af tilhugsuninni einni saman, öll þessi mannvonska og drottnun sem virðist hafa verið beytt er óhugnanleg...... drottnun sem aldrei má endurtaka sig.

Alla þá staði sem hafa haft með börn að gera og hafa verið reknir sem barnaheimili, sumardvalastaðir og eða eitthvað annað þarf að skoða og ganga úr skugga um að allt hafi verið eins og til var ætlast.

Byrgið er aftur á móti nútíminn, hrein kynlífsþrælkun eftir fréttum að dæma.

Allt þetta fólk þarfnast hjálpar og það strax. Hef reyndar tröllatrú á Félagsmálaráðherra og ríkisstjórninni yfir höfuð í þessu máli og það er reyndar komið á daginn að þeir virðast vera gera það sem þarf fyrir þetta fólk.

Það er að segja Ríkistjórnin er að standa sig í þessu máli.

Á sama tíma er stjórnarandstaðan og sérstaklega Samfylkingarfólk að slá sér til riddara af málinu og belgja sig út og vilja helst hengja einhvern af stjórnarheimilinu.

Allir geta séð að svona málflutningur er hrein hræsni og það sem verst er hrein óvirðing við allt þetta fólk sem níðst var á og þeirra aðstendendur..... fólk sem hefur þegar mátt þola þvílíkar hörmungar.

Að gera svona mál að einhverjum atkvæðaveiðum í komandi  kosningum er það al lélegasta sem hægt er að hugsa sér

Getum við fengið heiðarlega og skemmtilega kosningabaráttu takk

Hafa eldriborgarar nokkuð að gera á þing

Eldri borgarar íhuga nú að stofna hreyfingu sem hefði það markmið að bjóða fram til Alþingis í vor. Hafa tjáð sig um að þá vanti málsvara á þingi til að berjast fyrir sínum málum.

Hver eru þessi mál? Og hvernig dettur þessu fullorðna og vel gefna fólki í hug að árangur náist með því einu að stofna einhvern klúbb örfárra manna sem mundu svo kannski bara halda sjó á þinginu enn vera of litlir eða fáir til að koma nokkru máli í gegn.

Af hverju getur þetta fullorðna fólk ekki bara hætt að vinna og farið út í heim að leika sér. Finnst þeim ekki að kominn sé tími til, flestir búnir að strita meira enn unga kynslóðin kemur nokkrusinni til með að gera.

Ég vil benda eldriborgurum á að miklu vænlegri leið til að ná árangri er að sameinast um einhvern þann flokk sem þegar er til og setja flokknum þau skilyrði að hann sinni þeirra málum á þingi. Þannig hafa þeir meiri möguleika á að koma málum í gegnum þingið.

Mig langar að vita hver helstu baráttumál eldriborgara eru fyrir utan lífeyrismálin sem þeir eru búnir að berjast fyrir lengi enn ekkert gengur. Enn er lífeyrir tvískattaður að einhverju eða öllu leiti.

Annað sem við kunningi minn vorum að ræða í dag var afhverju ekki að fella niður tekjuskatt við 65 ára aldur, er fólk sem náð hefur þeim aldri ekki búið að borga nóg í skatt. Kannski er þetta leiðin til að hætta þessari tvísköttun á lífeyrisgreiðslur.

Höf Ókunnur:

Í Fréttablaðinu í dag er sagt frá gjöf fyrverandi nemanda dr Gylfa Þ Gíslasonar til Háskóla Íslanda. Um er að ræða málverk af prófersornum sjálfum sem virðist vera vel unnið verk ef marka má myndirnar í Fréttablaðinu.

Þetta er vel við hæfi og glæsilegt framtak sem aðrir fyrverandi nemendur mættu taka sér til fyririmyndar.

Það er bara einn ljótur blettur á þessari frétt...... blettur sem virðist alltof oft vera viðhafður við slíkar uppákomur.

Það er nefninlega hvergi minnst á HVER MÁLARINN ER sem málaði þetta glæsilega verk aðeins hamrað á hver gefandinn sé og svo náttúrulega þyggjandinn.

Það að geta ekki um höfunda er ekkert nýtt. Hver kannast ekki við ljóð sem alltof margir leifa sér að nota til hinna ýmsu byrtinga opinberlega og þá sérstaklega í minningargreinum í Morgunblaðinu og setja gjarnan HÖF ÓKUNNUR undir. Oft eru þetta ljóð sem áður hafa komið fyrir almeningssjónir og lítið mál að afla upplýsinga um höfunda ef vilji til þess er til staðar.

Mér hefur oft fundist sem töluvert vannti upp á þann vilja enda láta flestir sig litlu varða hverjir höfundar eru að því sem byrt er, enda komast flestir upp með það að setja fyrrnefnda setningu undir ljóðið og fá það byrt þannig

Þessu bara verður að breita. Ég vil skora á fjölmiðla að gera bragabót á þessum málum og virða rétt höfunda hvort sem um er að ræða ljóðalist eða myndlist, rétturinn er til staðar það þarf bara að framfylgja honum

Sjúklingar eða Glæpamenn

Fátt er meira rætt á mannamótum í dag enn Kompás þátturinn síðasta sunnudag, þar sem dæmdur barnaníðingur var í viðtali og játaði meðal annars að hafa misnotað mun fleiri börn enn hann var dæmdur fyrir.

Þátturinn í heild sinni vekur fjölda spurninga sem almennigur verður að fá svör við að einhverju leiti.

Það fyrsta sem kemur upp í hugann eftir að hafa horft á þáttinn, er það réttlætanlegt að beyta þeim aðferðum sem gert var í umræddum þætti til að nálgast þessa níðinga, það er að nota til þess tálbeytu. Ýmsir hafa tjáð sig um að þetta sé rangt og jafnvel ólöglegt.

Fyrir mér er þetta í fínu lagi ef árangurinn er sá að þetta sjúka fólk er stöðvað, það hlýtur að vera tilgangurinn og markmiðið.

Svo má líka spyrja hvernig stendur á að dæmdur maður sem er enn fangi hefur svo mikið frjálsræði sem auðséð var.

Dómurinn sem þessi maður fékk er náttúrulega bara brandari. Nægir í því sambandi að nefna mál ungs íslendings sem situr í stofufangelsi í USA og bíður eftir að losna, hans afbrot er nánast agnarsmátt þegar það er borið saman við afbrot þessa Kompásfanga.

Svo bætir það nú ekki andlit fangelsisyfirvalda að þessi dæmdi fangi situr ekki inni nema brot af þeim tíma sem hann var dæmdur til

Ég held að við þessir almennu borgarar sem eigum börn og barnabörn gerum skýlausa kröfu um að barnaníðingar sitji í fangelsi þann tíma sem þeir eru dæmdir til. Dómarnir sem þeir fá eru eru ekki til að skipta þeim upp

Svo má líka spyrja eru þessir menn ekki bara nægjanlega brenglaðir á geði til að vista þá á Sogni og þá skilgreindir sem hættulegir afbrotamenn eða með öðrum orðum sjúklingar.

Á skíðum skemmti ég mér

Nú um helgina er tækifærið sem svo margir hafa beðið eftir með eftirvænntingu. Nefninlega að komast á skíði. Veðurspáin er frábær og snjórinn virðist vera ákjósanlegur, hæfilegt frost og lítill vindur, allt þetta er það sem þarf til að gera þessa yndislegu íþrótt framkvæmanlega.

Ég hef reyndar farið nokkrum sinnum á skíði í vetur, síðast um helgina sem leið og þá á gönguskíði.

Það er nefninlega þannig með gönguskíðin að það er oftar hægt að finna aðstæður sem henntar þeim. Oft þarf heldur ekki að fara langt til að finna þá staði og aðstæður, má nefna staði svo sem Rauðavatnið, Hafravatnið, Vífilstaðavatnið, Heiðmörkina að ógleymdu Miklatúninu. Allt eru þetta ágætir staðir sem eru innan borgarmarka enn trúlega er Rauðavatnið best þar er líka svo mikið af vélsleðaslóðum sem gott er að ganga í, á móti er þar hávaði frá umferð og mikið af fólki. Í Heiðmörkinni er rólegast þar eru fæstir á ferð en ókosturinn þar er að stundum er þar djúpur snjór sem erfitt er að leggja brautir í.

Að ganga á skíðum er voða heilbrygð hreyfing allir hlutar líkamans þurfa að taka á hver taug er virk, hugurinn tæmist og hleður inn nýjum vonum fullum af bjartsýni.

Ég hvet alla til að nota þetta frábæra veðurútlit og skíðafæri til útiveru um helgina.

Njótið helgarinnar

Óveður í Evrópu

Undanfarna daga hafa gengið óveður inn yfir Bretlandseyjar og austur eftir álfunni. Svo mikill hefur veðurhamurinn verið að manntjón hefur hlotist af í öllum látunum. Á veðurvakt Einars Sveinbjörnssonar   http://esv.blog.is/blog/esv/?nc=1#entry-103709      er talið að annað eins veður hafi ekki mælst síðan 1990 sem eru á sautjánda ár.sem er langur tími þegar veðurguðina varðar. Þar  er líka  að finna alskonar  fróðleik  varðandi  veður og  veðurfar , Þökk sé  Einari  fyrir  frábæran vef.

Fyrir réttri viku gekk annað óveður yfir norðursjó og norðurlöndin sem olli talsverðu tjóni og í það skipti olli það líka manntjóni.

Er ekki ótrúlegt að svona gerist með viku milllibili þegar haft er í huga hversu öflug þessi veður eru, sem valda jafn miklum ursla og manntjóni

Getur verið að slóð þessara lægða sé að breytast?

Þá vekur einnig athygli kuldinn í USA sem nær suður eftir Califoníu og Texas sem er verulega óvenjulegt. Svo mikill hefur kuldinn verið að umtalsverðar skemmdir eru fyrirsjáanlegar á ávaxtauppskeru.

Getur verið að veðurfarið sé að taka einhverja óvænnta stefnu?

Helgarröltið

Um síðustu helgi gerðum við tilraun til að vera svolítið menningarleg. Fórum í leikhús, á söfn og í bíó.

Á föstudagskvöldið fórum við í Þjóðleikhúsið og sáum verk sem heitir Bakynjur. Um er að ræða afar aldið verk af grískum ættum, sem er svolítið úr takt við þá tíma sem við lifum í.

Fyrir sýningu var boðið uppá fyrirlestur í Þjóleikhúskjallaranum um verkið og við fórum sem betur fer á hann, hlýddum á fróðleik um verkið og þá speki sem þess boðskapur á að bera. Ég prísaði mig sælann að hafa sótt þennan ágæta fyrirlestur, ef ekki, hefði ég varla skilið neitt í þessu verki.

Leiksviðið var frumlegt, það var það sem stóð svolítið  uppúr ásamt leik hinna villtu kvenna. Leiksviðið minnti á fartölvu og hinar villtu konur sem skriðu um sviðið eins og dýr voru takkaborðið.

Um verkið fannst mér lítið til koma og hefði sjálfsagt yfirgefið sýninguna í hléi eins og svo margir gerðu ef mér hefði fundist það viðeigandi, enn slíka óvirðingu sýnir maður ekki þeim leikurum sem eru vissulega eru að standa sig.

Niðurstaðan er lélegt verk enn góð túlkun leikarana sérlega hinna villtu kvenna.

 

Á laugardaginn fórum við á sýningar, meðal annars í Listasafn Íslands og og Þjóðminjasafnið.

Í Listasafn Íslands er alltaf gaman að koma, ganga um og upplifa listina og setjast niður að því loknu og fá sér kaffisopa í kaffiteríunni sem þar er.

Nokkuð langt er um liðið síðan ég hef komið í Þjóðminjasafnið. Þar stendur nú yfir Ljósmyndasýning meðal annars. Þar er að finna gamlar fréttamyndir frá sjöunda áratug síðustu aldar allar afar skemmtilegar sem gaman er að skoða.

 

Á laugardagskvöld fórum við svo í bíó sáum Apocalypto mynd sem Mel Gibson hefur gert um hina merku frumbyggja.Mexicó. Það verður að segjast eins og er að ég hafði beðið eftir að sjá þessa mynd með nokkurri eftirvæntingu. Ég hef alla tíð haft mikinn áhuga á öllu sem snertir menningu og líf Indijána fyrr á öldum. Hef meir að segja heimsótt ættbálka þeirra í Mexikó sem var upplifun ein og sér.

Ég verð að lýsa vonbrigðum mínum með þessa mynd. Hvergi hef ég lesið um svona aftökur í tug þúsunda tali í innbyrgðisátökum þeirra sjálfra, þetta var nýtt fyrir mér og allt of mikið ofbeldi af grófustu gerð og ég vil leifa mér að segja að það hafi skemmt þessa mynd.

Margt er gott sem þessi mynd færir okkur. Þar ber hæst náttúrufegurðin sem Mexikó býður uppá sem er einstök og svo tungumál Indijánana sem er hrífandi

Enn ég hvet fólk til að sjá þessa mynd